Eyrún Helga Þorleifsdóttir

Skilasíðan

2003-12-01T22:06:00.000Z

Hér er skilasíðan mín. Reyndar langar mig að laga hana svolítið, bæta inn myndasíðu og e.t.v. einhverju fleiru en ætla samt að skila henni núna, þar sem skiladagur er í dag. Einnig eru fleiri verkefni sem bíða svo ég má ekki gleyma mér í vefsíðunni, það er mjög auðvelt.

Vefsíðan

2003-11-28T23:14:00.000Z

Hann er alltaf langur og strangur loka spretturinn. Vona samt að vefurinn verði til á mánudaginn. Spennandi helgi framundan, heimapróf í fyrramáli og síðan vefurinn og aftur vefurinn.

Lokaspretturinn

2003-11-27T23:24:00.000Z

Nú er tími til kominn að fara að bretta upp ermarnar og leggja lokahönd á vefinn. Maður er næstum því eins og fugl í búri þessa dagana við verkefnavinnu o.þ.h. svo er líka freistandi að reyna að vera duglegur og komast fyrr í jólafrí.

Styttist

2003-11-23T23:15:00.000Z

Mikið er nú alltaf ánægjulegt þegar það fer að styttast í annan endann á önnunum. Það fer um mann eins konar frelsistilfinning að geta farið að snúa sér að og hugsa um eitthvað annað en námið. Svo er bara að vona að einhver mynd verði komin á vefina okkar og tæknilegir örðugleikar hrjái mann sem minnst.

Hæ hó

2003-11-17T00:01:00.000Z

Ég er aðeins að lát heyra frá mér, en verð að viðurkenna að ég er ekki sú alduglegasta í blogginu, sérstaklega þegar maður hefur í mörg önnur horn að líta.
Ég vona að það séu ekki margir sem hafa rekist á heimasíðuna mína því hún hefur verið ein rúst. Bæti úr því fljótlega.

Talblogg

2003-11-03T21:58:00.000Z

Ég var að prufa talbloggið hjá Salvör. Svona talglærur eða talblogg hefur verið notað í íslensku áfanga hjá okkur og var alveg frábært að mínu mati. Mér finnst að fyrirlestrar eigi að vera sendir til okkar í fjarnáminu með einhverskonar tækjum eins og þessu. Tæknin er til staðar það er bara að nýta hana.
Síðan ætlaði ég að skrá mig á GSM-bloggið en gekk ekki upp, mér var sagt að hringja í 1414 þar sem minn sími væri ekki skráður hjá Og Vodafone svo ég hætti.

Skilaverkefnin

2003-10-31T21:10:00.000Z

Hér koma verkefnin mín PowerPoint og Skólaverkefnið. Var ekki talað um að skólaverkefnið tæki ca. 5 klst. ég er ansi hrædd um að það megi margfalda það svolítið.

Í dvala

2003-10-31T10:31:00.000Z

Jæja, það er að verða ansi langt síðan ég hef bloggað, skamm, skamm og engar afsakanir.
Það helsta framundan hjá mér er að ég er að fara í KHÍ núna á laugardaginn í einhver spennandi verkefni með náttúrufræðikennurum.

Steinasafn

2003-10-21T00:54:00.000Z

Ég ætlaði eiginlega að setja inn myndir frá Steinasafninu á Akranesi, því ég fór þangað um daginn og tók nokkrar myndir sem ég ætlaði að deila með ykkur. Einhverjir tæknilegir örðugleikar eru að hrjá mig því það kemur enginn html kvóði. Reyni að grufla betur síðar.
Þetta er alveg frábært safn sem enginn ætti að láta fram hjá sér fara, sérstaklega ekki kennarar. Það er verið að gera vef fyrir safnið svo ég vísa á Byggðasafnið í Görðum.

Spjall, spjall

2003-10-13T21:45:00.000Z

Nú er maður alveg húktur á því að lesa innlegg á vefspjallinu og gleymir alveg að blogga.

Verkefna og fundaflóð

2003-10-06T23:03:00.000Z

Loksins er komin ný vika, síðasta vika var frekar strembin eintóm verkefnaskil og skemmtilegheit, ótrúlegt hvað kennurum tekst að hafa skiladaga á verkefnum á svipuðum tíma. Síðan verður þessi vika nánast fundir út í eitt, meira að segja annað kvöld þarf ég að vera á þremur fundum samtímis. Verst að tæknin skuli ekki vera þannig að maður geti verið klónaður í svona smá tíma annað slagið þegar þörf er á. Það virðist vera svipað með kennara í grunnskólunum að það er ekki gert ráð fyrir því að maður eigi nema eitt barn sem stundar engar íþróttir eða tómstundir. Vonandi fer dreifingin á fundum og verkefnaskilum að verða jafnari og komi ekki eins og flóðbylgjur yfir mann.

Vefleiðangur

2003-09-30T22:20:00.000Z

Hér kemur vefleiðangurinn sem ég er að gera og drögin að vefsíðunni minni. Þetta er nú frekar hrátt en á vonandi eftir að lagast þegar líður á önnina.

Tæknisaga

2003-09-29T01:05:00.000Z

Hér er hægt að nálgast tæknisöguna mína.

Stór viðburðir

2003-09-27T00:25:00.000Z

Nú er nóg um að vera hér á Akranesi. Núna um helgina er atvinnuvegasýning „Akranes EXPO 2003.“ Einnig er bikarleikur ÍA og FH á Laugardalsvelli á morgun laugardag kl.14.00 og allir verða að storma á þennan stórleik.

Verkefnavinna

2003-09-23T21:06:00.000Z

Það er nóg að gera í verkefnavinnu hjá mér, núna er ég á kafi í grúski um gróður og skordýr mjög líflegt. Ef einhver hefur áhuga þá er vefurinn Lífsferlar í náttúrunni mjög skemmtilegur og fróðlegur.

Power point

2003-09-22T00:24:00.000Z

Ég er alveg ákveðin hvað hvað ég tek fyrir, það er tengt öðru námsefni sem ég er að fást við núna. Glærusýningin verður um lífsferil dulfrævinga/blómplantna, hljómar það ekki vel.

Power Point

2003-09-16T15:04:00.000Z

Ég er ekki alveg búin að ákveða mig hvað ég ætla að taka fyrir, en það sem ég hef mest verið að hugsa um er eitthvað tengt náttúrufræði. Annaðhvort eitthvað sem ég er að læra sjálf um núna eða eitthvað fyrir nemendur. Ég er að skoða efni og vona að ég fái hugljómun um hvað ég taki endanlega fyrir.

Afmæli

2003-09-15T21:45:00.000Z

Í dag fór ég í 90 ára afmæli til ömmu minnar, hún hefur verið á Grund síðan í sumar. Mér finnst ég sjálf vera farin aðeins að ,,þroskast" en þegar ég var að hugsa um aldur hennar þá er ég ekki búin að lifa einu sinni helminginn af ævi hennar, merkilegt nokk.

Vefrallý

2003-09-14T11:19:00.000Z

Vefrallý um sólkerfið Höfundur: Eyrún Helga Þorleifsdóttir
Fyrir hverja? Nemendur á miðstigi

Þetta vefrallý er um sólkerfið.
Veist þú t.d. hvaða reikistjarna er stærst, hver er í miðju sólkerfinu og ýmislegt fleira.

Nemendur eiga að vinna tveir saman og skiptast á að vera við tölvuna. Vefrallýið gengur út á það að finna svör við spurningunum hér fyrir neðan og nota til þess krækjurnar. Þegar svarið er fundið þá annaðhvort afritið þið það og límið, eða skrifið svarið beint inn í Word. Mestu skiptir að vera sem fljótastur að svara öllum spurningunum og þeir sem eru fyrstir eru sigurveigarar.
Gangi ykkur vel og gefið nú í.

Vefirnir sem nota á.
http://www.ismennt.is/not/eddakjar/solkerfi/sol.htm
http://www.islandia.is/%7Eberg/Planetur/planetur.htm
http://www.ismennt.is/not/helgahe/himing.htm/Forsida.htm
http://web.khi.is/%7Esolrun//namsefni/solkerfi/

Hér koma svo spurningarnar.
1. Hvaða reikistjarna er í miðju sólkerfinu?
2. Hvað er það sem heldur reikistjörnunum í kringum sólina?
3. Hvað eru loftsteinar kallaðir?
4. Hvaða reikistjarna er langminnst og hvað er hún mörg ári að komast í kringum sólina?
5. Hvaða reikistjarna er næst sólinni?
6. Á hvaða reikistjörnu er árið jafnlangt og 84 jarðarár?
7. Hvað þekur vatn stóran hluta jarðarinnar?
8. Hvað kallast loftslagið sem er umhverfis jörðina?
9. Hvernig snúast reikistjörnurnar?
10. Hvað eru plánetur sólkerfisins margar og hvað heita þær?
11. Hvað er sólmyrkvi?
12. Hvað er tunglmyrkvi?
13. Hverjar eru innri pláneturnar?
14. Hverjar eru ytri pláneturnar?
15. Hver eru sameiginleg einkenni innri pláneta?
16. Hver eru sameiginleg einkenni ytri pláneta?
17. Hvers vegna telst Plútó hvorki til innri né ytri plánetu?
18. Hvað snýst jörðin mikið í kring um sjálfa sig á einum sólarhring?
19. Hvaða tími sólahringsins er, þegar sú hlið jarðar snýr að sólu?
20. Hvað fer jörðin marga hringi í kringum sólu á einu ári?

Kennsluvefir

2003-09-12T22:16:00.000Z

Kennsluvefir eru t.d. Skólaavefurinn, Rasmus.is, Heilabrot og hugkvæmni , Escher, Barnung , Íslandsvefurinn, Solskin.is, Ismennt, Hvalavefurinn, Lífsferlar í náttúrunni og í lokin eru hér margar Áhugaverðar krækjur fyrir kennara, svo af mörgu er að taka.

Leikir

2003-09-12T22:09:00.000Z

Á miniclip er að finna marga skemmtilega leiki, allavega finnst strákunum mínum það. Fleiri krækjur eru t.d. lego.com, batman.is.
og Byrja.is þar er vísað á margar aðrar slóðir með leikjum fyrir börn.

Spjall

2003-09-11T23:31:00.000Z

Ég er aðeins farin að huga að vefrallý, það er ekki svo lengi gert ef maður stoppar ekki í einhverjum tæknilegum örðugleikum. Ætli ég reyni ekki að henda mér í rallý um helgina eins og eflaust margir samnemendur mínir. Annars fer námið og vinnan frekar erfiðlega af stað, ungi drengurinn minn sem er 10 mánaða á morgun er svo ósáttur í pössuninni að það endaði með því að ég gafst upp í dag eftir þriggja vikna erfiði í aðlögun. Reyndar ætlaði ég hreinlega að hætta í vinnunni líka en það var stappað í mig stálinu og ég ætla að reyna í viku í viðbót á öðrum stað. Þetta er hræðileg orkusuga þegar svona gengur með litlu krílin manns, þau verða náttúrlega að vera í forgang no.1.2 og 3. Alltaf sami vandamálapistillinn frá mér vonandi fer þetta allt að lagast og rúlla sinn vanagang.

Ekkert netsamband

2003-09-09T23:22:00.000Z

Þessi önn ætlar greinilega ekki að fara of vel af stað. Nettengingin datt út hjá mér á föstudaginn og ég fékk hana ekki inn aftur fyrr en í dag þriðjudag. Þessi bilun hjá Landsímanum er búin að reyna mikið á þolinmæði mína og ég er búin að eyða miklum tíma í að bíða í símanum eftir sambandi við bilanatilkynningar. Þessir höfðingjar sendu mig meira að segja til Reykjavíkur til að athuga hvort módemið væri bilað, en allt var í stakasta lagi með það. Síðan eftir allan þennan tíma fattaðist að einhver bilun var hjá Landsímanum. Þetta kalla ég því miður ekki mjög fljóta og góða þjónustu.

Smá tregða

2003-08-30T23:59:00.000Z

Ég var að prufa að fara í Front Page í kvöld en það virkaði ekki hjá mér aðgangsorðið. Ef ykkur langar þá megið þið upplýsa mig betur um það. Annars gengur hægt að snúa sér að náminu það tekur sinn tíma að koma sér í gang í vinnunni og koma börnunum á rétt ról.

Áhugaverðir tenglar fyrir náttúrufræðikennara

2003-08-29T23:28:00.000Z

Þar sem ég er í náttúrufræðikjörsviði ætla ég að setja tengingu í Samlíf - Samtök líffræðikennara í von um hún geti nýst fleirum sem áhuga hafa.

Fimmtudagur

2003-08-28T21:58:00.000Z

Dagurinn byrjaði á því að vekja strákana í skólann og fylgja Aron því þetta er annar dagurinn hans í skólanum. Síðan fór ég með Jón Birkir í aðlöngun til dagmömmunnar og skildi hann eftir og ætlaði þá að vera rosalega dugleg og fara í skólann og undirbúa mig. En minn maður var búinn að fá nóg eftir korter og grét þangað til mamma hans kom og sótti hann. Vonandi koma tímar og koma ráð, til að námið og kennslan fari að rúlla sinn vanagang.

Slóðir með kennsluefni

2003-08-25T22:15:00.000Z

Hér er vefur sem ég og nokkrar aðrar gerðum í áfanga sem heitir ,,Stærðfræðikennarinn"
Hér er slóð sem við gerðum í áfanga sem heitir ,,Námsumhverfið" þetta er vefleiðangur sem byggður er á bókinni ,,Landshorna á milli" sem er kennsluefni fyrir 5.-7. bekk í grunnskóla.

Skólabyrjun

2003-08-25T22:04:00.000Z

Þessir dagar fara einungis í skólaundirbúning hjá mér og strákunum mínum.

Spjall

2003-08-23T23:21:00.000Z

Hæ, hæ ég er bara að láta vita af mér, er ekki ennþá komin í gírinn að byrja á verkefnunum. Kveðja Eyrún

Tengt í Elsu Láru

2003-08-18T14:15:00.000Z

Nú ætla ég að tengast Elsu Láru

Hrefnuveiðar Íslendinga

2003-08-18T13:23:00.000Z

Nú er allt að verða brjálað, Íslendingar byrjaðir að veiða hvali og hvalaskoðunarfyrirtækin eru ekkert ánægð með þetta. Svo er líka frétt um hvalveiðar Íslendinga á BBC fréttastöðinni.

En hvalveiðar voru stundaðar frá fornu fari á Íslandi. Það er til Hvalavefur sem byrjaði einmitt sem verkefni hjá Kennó.

Mánudagsspjall

2003-08-18T13:09:00.000Z

Jæja þá er ég mætt í tíma aftur og er að fara að spreyta mig á næsta verkefni í dagsins.

2003-08-15T16:25:00.000Z

Það er hægt að nota vefinn á margvíslegan hátt og komast í tengsl við fólk. Vinanetið Friendster er hægt að fara inn á, ef þér langar til að kynnast nýjum vinum. Vefurinn einkamal.is er notaður mikið af þeim sem eru að leita að nánum kynnum við einhvern. Ef maður vill taka þátt í þjóðmálaumræðunni þá eru oft mjög fjörugar umræður á malefnin.com.

Tengt í sessunauta

2003-08-15T16:07:00.000Z

Ég sit hérna hjá Helgu

Kynning

2003-08-15T15:55:00.000Z

Ég bý á Akranesi og er í fjarnámi á 5 misseri í KHÍ, kjörsvið mitt er náttúrufræði og upplýsingamennt. Eiginmaður minn heitir Þorbjörn Jónsson og eigum við 4 stráka Jón Birkir 9 mánaða, Aron 6 ára, Ómar Loga 9 ára og Þorleif 13 ára.
Ég er í Kennaraháskólanum og er að æfa mig í bloggi.

Byrja dagbók

2003-08-15T07:27:00.000Z

hér er prufa....